موضوع حلو , بس يا ريتك خليتها على الاقل 3 امنيات مفيش مارد بخيل هلبة هكي يا لورد
..
اممممممممم حنكون شوية اننية فى امنيتي بس طالما انها امنية وحدة بس مفيش حاجة نتمنها فى العالم زي انى نموت شهيدة...
مقامها فى الجنة تخليك تنسي انك تفكر انك مازال تحتاج تعيش تانية وحدة فى هادى الدنيا ..من غير انى نموت شهيدة لما نكون فى وضع متلا زي العراق او فلسطين .انموت شهيدة مع المسلمين اللي يدافعوا عن أرضهم في فلسطين و العراق,يعنى ما ابشعه من منظر لما تشوف اب مش قادر يدير حاجة لعيلته لما يتعدوا عليه جنود فى بيته فى ارضه يدلوه واى حق سمحلهم بهدا ...!
ممكن تكون حاجة غريبة غبية مش معقولة مش عارفة ..بس الله اعلم هدا اللى نحس بيه لو كنت فى وضعهم..!
مؤلم منظر الاطفال والناس اللى يموتوا غادى تحسه مش عدل وتتمنى ان وضعهم يتغير.. بس لما تفكرأكثر بشن يراجي فيهم فى الجنة يخليك تفرحلهم وتتمني تكون مكانهم ...