unknown عضو جديد
عدد الرسائل : 6 تاريخ التسجيل : 18/05/2008
| موضوع: ماساة طلبة B24 الإثنين مايو 26, 2008 4:26 pm | |
| السلام عليكم...
انا طالب في مجموعة b24 و سأحكي المعاناة التي نعانيها نحن طلبة هذة المجموعة....
وسامحوني لاني سوف احكيها بالعامية(بالفلاقي ) و ليس باللغة الفصحى.....
احنا.. زينا زي غيرنا من الطلبة .. خدينا الجدول اللي مكتوب فيه الاتي..
مجموعة b24 السبت والاحد والخميس ... علم حيوان و احصاء... المكان : قسم الكيمياء قاعة 2-10
مشينا زي الناس الطيبة الى قسم الكيمياء.. و هناك كانت المفاجأة... الامن قالو : روح انتا وياها مفيش b24 هنايا..
نكلموه ونترجوه بالمنطق والعقل.. شوف يا اخي كم واحد واقف وراي من b24 .. معقوله هادو كلهم جايين بيكسدوا
ويديروا الجو المليح؟؟؟؟؟؟..... الراجل مصر و مسكر دماغه....
و مقدرناش نخشوالى ان جت الدكتورة و اقنعاته بان المجموعة b24 عندهم محاظرة توا.... وقاعدة المشكلة لحد توا كلما نخشوا يوقفونا و ياخرونا .... فاضطررنا للاسف انا و بعض الاولاد معاي انا احنا نكذبوا و نقولوا خاشين بنصلوا و طالعين (و فعلا نصلوا) و لكن بعدها نخشوا للقاعة..
بعدها قالولنا لازم تحضروا علم حيوان مع مجموعة b10 و هادو يحظروا في مدرج في العلوم.. (يعني لازم نطلعوا جري من محاظرة الاحصاء.. باش نوصلوا للعلوم في الوقت المناسب لو طلعتنا الدكتورة متاخرين..) قلنا باهي و مفيش مشكلة عالاقل نغيروا جو شوية... و في يوم من الايام مشينا للعلوم قالولنا متخشوش!!! قلنا علاش قال الراجل :جانا قرار من المنسق اليوم الصبح ما يخش حد الا من b1 الى b10
قلناله باهي احنا نحضروا مع b10 ..قال مدخليش.... اني اعتقدت انا جابولنا دكتور جديد و بيعطي في الكيمياء... مشينا للكيمياء.. قال راجل الامن الرد المشهور متاعه: مفيش b24 هنايا!!!!!! و قعدنا حايرين بين العلوم والكيمياء ... الى ان اقتنع اخيرا اللي واقف في العلوم و دخلنا بعد ما فاتت اكثر من ثلث ساعة من المحاظرة......
و في الاخير نقول لا حول ولا قوة الا بالله..... | |
|
Timbaland المدير التنفيذي للمنتدى
عدد الرسائل : 31 العمر : 33 تاريخ التسجيل : 21/05/2008
| موضوع: المشكلة في الجامعة الإثنين مايو 26, 2008 4:40 pm | |
| السبب هو الفشل الذريع للجامعة في التنظيم وعدم القدرة على ادارتها | |
|
Giga عضو جديد
عدد الرسائل : 6 تاريخ التسجيل : 26/05/2008
| موضوع: حل من واقع تجربة الأربعاء مايو 28, 2008 5:43 pm | |
| افضل حل في هذه الحالة هو احضار نسخة من الجدول او قرار او اعلان يبين الحقيقة و تعليقه امام المدرج او القسم على أمل ان يتمكن الغفير من قراءته (قد يكون امي) , ويجب شرح المشكلة الى المنسق بشكل جماعي , واذا كان المنسق غير متعاون فعليكم بامين الرابطة الطلابية بتقديم مذكرة موقعه من طلبة المجموعة تشرحون فيه المشكلة . اما الغفراء فلا داعي للتحدث معهم كل ما عليك هو ابراز التعريف الجامعي له فقط . واهم شيء هو التظافر الجماعي لان الامن الجامعي في مثل هذه الحالات سيحاول الاستفراد ببعض الطلبة وتحويلها من مشكلة مجموعة الى مشكلة فردي خاصة | |
|
I wish ... عضو جديد
عدد الرسائل : 6 تاريخ التسجيل : 30/05/2008
| موضوع: رد: ماساة طلبة B24 الجمعة مايو 30, 2008 10:43 pm | |
| والله حاله ربي يكون في عونكم شوره جدولكم سقط سهوا عادي عادي هكي القرايا جري وتشحيط وان شالله خير | |
|
احمدA2 عضو جديد
عدد الرسائل : 1 تاريخ التسجيل : 18/07/2008
| موضوع: رد: ماساة طلبة B24 الجمعة يوليو 18, 2008 6:07 pm | |
| مابعدكم | |
|